تـعـال يـا قــلـبي

شـعـر- مـهـا الـمـطـيـري
عـلـمٍ بـصـدري صـار لـه عـام مـكبوت
الـيـوم مـدري ويش هيض شجونه
تـعـال يـا قــلـبي نـبـي نـرفــع الـصـوت
الـيــن ان ســكــان الـبـلـد يسمعونه
مـا دام صــار الــحـب فـي وسط تابوت
وبـعـض البـشـر بـأفعالهم يذبحونه
كـفـن مـن الصرخات يغسل من التوت
وعـلـى كـتـوف افـكارهم يحملونه
وصـار الـغـلا مـدفـون في حفرة الموت
لـو حـاولـوا بـيـديـنـهـم يـخرجونه
وبعـض البشر لو يلبس البشت و الكوت
وعـلـى سـروج خـيـولـهم يردفونه
لابـــد مـــا يــسـقـط ولـو فـات لــه فوت
وعــن الـشــداد الـمـرتـفع ينزلونه
وادري غــزيـر البـحر ما يغرق الحوت
يـهـيـم فـي شـكـلـه وطـعـمه ولونه
والـمـح غروب الشمس في عين جالوت
نـسـيـجـهـا فـي يـديـنـهـم يـحبكونه
والـورد لـو يـقـطـف مـن ازهار بيروت
لابـد مـا يـذبـل وتـابـس غـصـونه
وهــذا الـقـصـيـد اللـي نظمته على أوت
لـــو ان نــقـــاد الشـعـر يـنـقــدونه
لانــيـب انـا الخـنـسـاء ولانـيـب بـخوت
شـعـري على قدي واهيجن لحونه