د. هاشم بن عبد السلام بن محمد جمعة
ماشي يا سيدي، علشان ما يقولوا إن إحنا قاعدين ننتقد التطور.. موافقين، كأنوا احد سألنا رأينا أصلا!! وبركة إن جماعة المجلس البلدي الله يستر عليهم بيحاولوا يوصلوا الشكوى ويمسحوا البكوة.. المهم مو فكرة الأبراج.. المهم نقيس قبل الغطيس.. ومركزنا التجاري في العالم على عيني وراسي.. بس دا إحنا صرنا تجار بنبيع ونشتري من تجار.
جدة فيها مراكز تجارية اكثر من مدارسها ومعاهدها وكلياتها وجامعاتها.. ما شاء الله تبارك الله 100 متر تجاري لكل مواطن وبَشَر ملفوتة يمين ويسار كأنوا في نوادي أو ساحات إستعراض.. وبرضو شباب ومعذورين.
أنا شخصيا منعت أولادي يقربوها.. وأستلطف الله لو خرجوا إنهم ما يتجمعوا سوا جنب سياراتهم في الشوارع.
ما أحد فكر يسوي للشباب دول مشروع \"تجاري\" يكون فيه مصلحة له ولهم، بس يعلمهم شي ينفعهم في الزمان دا أو رياضة تناسبهم وأهو، يمكن يتعلموا إنو في رياضات بدنية تانية في الدنيا دي غير الكورة.. ويمكن كمان يقدروا قدام العالم يجيبو لنا ميدالية وإلا إثنين..وساعتها نقدر نقول: \"شباب جدة.. غير\".
