[ALIGN=LEFT][COLOR=blue]شعر- خالدالمسعودي[/COLOR][/ALIGN]
ودعته و قلت يا ربي أنا المسلم
ودّع على فطرتك أعز ما يملك
تحق الأقدار لا تنقص و لا تظلم
الأمر منك ابتدأ و الأمر يحسم لك
و اليا ذكرت المكان الضيّق المظلم
هليّت دمعي و أنا ساجد على رملك
يأهل الديار .. المسافر مرّ و يسلّم
و سمعت صوتن يناديلي: طغى حملك
و اللي ربى في كتابك فاز و أتعلم
تسبيحة الكون من شمسك إلى نملك
بدوّر لي صبر و اصبر
و أصك الباب
أنا راجع بلا أب
و بلا قلب
و بديني أتراب
دفنت اللي يربيني .. يبيني أكبر
كثير الدمع في عيني
و لكن ما يشوفونه
لأنك أكثر و أكثر
من طباعك ..
وداعك طاب
توادعني و توصيني
ووجهك ابيّض منوّر
و أذان الفجر
صوتك هلّل و كبّر
يا تواب ..
يا عل السدر و الكافور
تبقى له عطر و أثياب
يا تواب ..
تأجرني على فرقاه
و تغفر له .. و تغفر لي
و أدوّر لي صبر وأصبر
