[ALIGN=LEFT][COLOR=blue] شعر – سعد الهلولي[/COLOR][/ALIGN]
[poem=font=\"Simplified Arabic,4,black,normal,normal\" bkcolor=\"\" bkimage=\"\" border=\"none,4,gray\" type=2 line=200% align=center use=ex length=0 char=\"\" num=\"0,black\" filter=\"\"]
زماني يا زماني فيـك لا ساكـن ولا سـواح=سكنتك يا زماني طرقـي أبلشتـه عناوينـه
مشيتك والمراجل في عيوني نورهـا وضـاح=توالف هقوة اللي موقفه ما طاح مـن عينـه
مثل ما يألف القفل المسنـن سنـة المفتـاح=مثل ما الآدمي تألـف شمالـه راحـة يمينـه
قضيتك والجفاء بعيون حسادي عجز يرتـاح=انا اكبر والحسد تكبر معي ساحـة ميادينـه
بلشنا بالسكاكين وعددهـا والجمـل ماطـاح=تخيل في مطيحه كم تصل حسبـة سكاكينـه
تلاشت راحتي من كثر ما امسح دمعة التمساح=اشوف اكذوبته وامشي معـه بالنيـه الزينـه
توشحت البياض وجيت عدواني بدون سـلاح=ما غير الهقوه اللي جبتها ورثة من جهينـه
وانا اللي هدني واحرق عليه صفحة الافـراح=هذيك الطيبه اللـي غـرت العـدل بموازينـه
يصلني كل ليله غصن زيتون بطرفـه رمـاح=وتاقف لا لزمته طيبتـي مـا بينـي وبينـه
باعيشك يا زماني لين نبلـغ حـزة المـرواح=ويبقى صاحبك هو صاحبك في زينه وشينـه
[/poem]
