[ALIGN=LEFT][COLOR=blue]شعر – عبدالله عبيان[/COLOR][/ALIGN]
الاهداء الى صديقي السوداني عبدالحكيم بمناسبة فوز باراك اوباما برئاسة امريكا ،وتصريح بعض المصادر بأن اصوله تعود الى جنوب السودان .
[poem=font=\"Simplified Arabic,4,black,normal,normal\" bkcolor=\"\" bkimage=\"\" border=\"none,4,gray\" type=2 line=200% align=center use=ex length=0 char=\"\" num=\"0,black\" filter=\"\"]
سافر لواشنطن وعمّـر بيـت يـا عبدالحكيـم=وسلّم على (باراك اوباما) وبـارك لـه شمـام
ما دام جدانه من السودان وانـت افهـم فهيـم=طش العمامة والبـس البدلـة وشيّكهـا تمـام
خل البنات الشقر تفتن فيـك ياسمـر ياوسيـم=وغيّر ملامحك القديمة واكتب اسمك (فـان دام)
ولو خذت جنسيّة وجاك الدور واصبحت الزعيم=خذني على يمناك ما تندم وانا من صلـب يـام
ودي تمشّي الدولة العظمى على النهج السليـم=يا صامل الوقفات عدّل كل فقـرة فـي النظـام
واليا دخلت البيت الابيض غيّر السـور القديـم=وارسم على جداره غصن زيتون وانهار وحمام
وسولف لباحاته عن الضيقات في صدر الحليـم=وقصة عجوز القاع والشيب الرمـادي واللثـام
يازول .. عفوا يافخامة ريس امريكـا العظيـم=ملح السواحل حاصر أوراق الشجر ستين عـام
خلاص ملينا حكـاوي الشمـس ياليـل العتيـم=والطرقي الجايع حشا مايشبعـه حلـو الكـلام
مايشفي جروحـه نغـم كاظـم ولا عبدالحليـم=وما يفرج همومه زمان الضحك مع عادل امـام
ياطول قامات العرب واصواتهم وقـت النعيـم=ويا قصرهم لاولّع البـارود بأطـراف الخيـام
اخطر قذيفة نرمي الشبشب ولا تدمي الصميـم=معقول مانقدر وشبشبنا قدر يكسـب وسـام ؟!
ليه المذلة وين راح المجد والصيـت الحشيـم=دام الحجر بالعزم والنخوة هزم صاروخ سـام
اليوم يابن النيل اشوف الجرح في الخافق اليـم=مابين تشبيك الصقـور وبيـن فزعـات النعـام
واصل طريقك لاعدمتك واحذر ابليس الرجيـم=لا شفت ابو وجهين من حولك يـردد ياسـلام
ارسم مسارك بالعدل لاترتكـب غلطـة غشيـم=هذا كلام اللي خويه فـي المواقـف مايضـام
لو ضايقوك ووجهوك تحـوّل العالـم جحيـم=البس عمامتك القديمـة ترفعـك فـوق الغمـام
واترك بريق العرش وارجع زول ياعبدالحكيـم=سمارك اطهر من بياض اللي كذب باسم السلام
[/poem]
