[ALIGN=LEFT][COLOR=blue]شعر- راشد فارس[/COLOR][/ALIGN]
[poem=font=\"Simplified Arabic,4,black,normal,normal\" bkcolor=\"\" bkimage=\"\" border=\"none,4,gray\" type=2 line=200% align=center use=ex length=0 char=\"\" num=\"0,black\" filter=\"\"]
هـنـــا والـبــرد شق العـظــم جــلاده=وقـفـت استعطفـك واستعطفـك وأرجيك
تـجـي وتـسـلـم الـخــفـــاق لأعـيــاده=وتــاخــذني على شــاطي الهنــــا بيديك
ذبــل غصن انـتـظــاري والــوله زاده=وقـلـبـي لـو عـلـى كـيـفـه رحـــل يـأتيك
زعــل مـنـي وقـــال بـذمـتـــك نــاده=وأنــا خــايف أحـقـق رغـبـتــه وأدعيك
أخــاف يـطــول صوتي سمع صياده =وأسبب مشـكـلــه قـبـــل أبتــدي وأنهيك
ورجعت أشف قهــوة وعدك الســاده=وأقــول من التعب ياربي أنت أشفيك؟!
أخــاف انـك سـرقـت الــوقت ميعاده=وأخــاف ان الجفـاء مع قسوته مرضيك
وأخـاف انك نسـيـت الـوعـد وأسياده=وأخــاف انك غـفـيـت وقـلـــت مايمديك
وأخـاف أخـاف منـك أخـــاف بزياده=يكــون الــوضع عــادي أو مــايـعـنـيـك
غـريـبــه لهـفـتـك مـاهي على العاده!=وأنــا اللي خـابــرك يـنـسى أولك تاليـك
تجـي وتـصـحـي الشـارع من أرقاده=وتستــانسبـــك الأبـــــواب والبــــوتيـك
ويشــــرق هـالـمـكــان وكـــن رواده=ماغير أنت . وزمنك أنت . وخطى رجليك
تــحـــرك سـاكـنــه وتـبعـثـــر أوتاده=وهـو يجـمـعــك شــوق ولـهـفـه ويبنيك
تجي وتصحـي العصـفــــور لانشاده=ويكـتـشـفـك لـحــن مـفـقـــود ويـغـنـيـك
وأجيك أشيل جرح الشـوق لاضماده =وأحس انك تقول الحين كيف أشفيــك؟
وأصبـحــك بـنـــدى صبحي وريناده=وأغيضبك الـعـطــور وتنعـشــه ويشيك
وأحـس الــوقـت مـعـك يخون عداده=ويستعـجـــل ويستعـجــلـــك ويـوديــــك
وتـرحل واحتسي من عطرك وساده=بكفي لجـل أنــام بصحـــوتي واحـكيــك
واغـمـض وأتـخـيــل طــيـفــك قلاده=على صـدري واعــود اتخـيـلك وأبكيك
واحـس بـلـــذة الـمـوعــد ومـيـــلاده=واحـس بـلــذة فـراقــــك عـشــان أجيك
وشف هـالـيوم منت اللي على العاده =قضى صبري وانا اتحـراك وأسترجيك
وحـتـى قـلـبي الـلـي خــانت أعـيـاده=يقول أدعـه وأنــا من جد كيف أدعيك؟
[/poem]
