[COLOR=royalblue]شعر – محمد الوسمي[/COLOR]
يحضر الشعر مع حضور شاعره وشاعر المليون الشاعر الجميل محمد الوسمي والذي خص ( ملامح صبح ) بقصيدته (الفراق الطويل) ومع شكرنا له وابتهاجنا بحرصه والجميلين أمثاله من الشعراء المميزين..ندعوكم لمشاركتنا قراءته حيث يقول :
مـا يفـيـد العـتـب كـثـر المشـاريـه = لاتـعـاتـب عــلــى قــــل الـكـلافــه
عاشقك لـو يعـرف العمـر وشفيـه = ماتشـوفـه جـلـس فــي ظــل قـافـه
الـفـراق الطـويـل الـلــي بتحـكـيـه = شـفّـتـك قـالـتـه لــــي بـإرتـجـافـه
شـيـئٍ تـخـاف مـنّـه .. لاتـسـويّـه = ســو شـيـئٍ تـخـاف انــك تخـافـه
شاعـرٍ كنـت تنـبـت شـعـر بيـديـه = شوفـه اليـوم يكـتـب عــن جفـافـه
ان بـغـى يوصـلـك مـاعـاد يمـديـه = وان بغـى ينتـظـرك العـمـر طـافـه
مختلف .. لـو يشابـه مـن حواليـه = مـيــر ماضـيّـعـه غـيــر اخـتـلافـه
لو رحـل عـن عيونـك .. لاتناديـه = يـا يخونـك .. او يخـون المسـافـه
رح .. وانا لو بعاف الدرب بمشيه = مجـبـر احـيـان تـعـشـق ماتـعـافـه
ايـه احبـك .. وحبـك ويـن اوديّــه = عــن حنيـنـي وهــو لامــر شـافـه
وابتـدى حزنـي اللـي بنتهـي فـيـه = وانتهـيـنـا عـلــى قــــل الـكـلافــه
حلمـي اللـي قضيـت العمـر اربيـه =مــات قــدام عـيـنـي .. ياحـسـافـه
