الشاعرة المميزة ( عبير بنت أحمد ) تأتينا كعادتها محملة بالشعر الآسر والجمال المتنامي، أقرأوها من خلال قصيدتها الجديدة ( احتلال ) التي تواصلت بها مع صفحتكم ( ملامح صبح البلاد ) مؤخرا لتدركوا ماتتميز به من شاعرية وابداع.. تقول:
[COLOR=blue]شعر- عبير بنت أحمد[/COLOR]
[poem=font=\"Simplified Arabic,4,black,normal,normal\" bkcolor=\"\" bkimage=\"\" border=\"none,4,gray\" type=0 line=200% align=center use=ex length=0 char=\"\" num=\"0,black\" filter=\"\"]
على احتلال الحزن طوّلت انا بالي = بشوف وش آخرة حزني مع سنيني
وامدّ رجلي على همي وغربالي = لكن لحاف الصبر ماعاد يكفيني!
ياليتها صدفةٍ والا يتهيّا لي = مير البخت من عرفت الحب ، ناسيني
تعبت من كثر ما أتعزز لحالي = واسأل على انسان ماهو سائلٍ فيني..
أعطي ويرخص لعين الغالي: الغالي = ولابعد خذت شيٍء يرخص لعيني!
ولا بعد طلت غير الهاجس البالي = واخاف لاينسحب من قبضة يديني!
كتمت \" آهٍ \" بصدري صوتها عالي = وانصمّ قلبي، وعدَّت بيني و بيني
وشلون لو تنتحب روحي بمّوالي! = كلٍ بدل مايحيّيني؛ يواسيني
والذكريات اللي تشاغلني عن اشغالي = تاخذني بدون راي و له توديني
غفيت لحظة أنا وياه وآمالي = وصحيت مدري من الخيبة أنا ويني!
اعتدت ألازم مكاني أول وتالي = أخاف لا جاء حبيبي مايلاقيني
بس حتى في حلم نومي كنت بلحالي = من وين يعني هقيت فعلمي يجيني!
ضاقت وثقل الدموع يزوّد احمالي = وطاحت ولايكون معها طاح من عيني؟!!
لو حاجتي تنكتب، فـ الناس تقرالي = لكنـّي أحتاج رب الناس يعطيني
أقول قولي وتحكي عني افعالي = واستغفر الله كان الذنب يحكيني
ان ما انكتب لي يطيب الحب في فالي = والا فلا عاده الله فال يشقيني..
[/poem]
