شعر: سميره العتيبي
حار القصيد بوصف ابوي الغالي
محبته فيني ابد ماجهلها
كتبت فْـ راعي المقام العالي
من احلا القصايد للغلا واجزلها
ابوي مدحه بالبشر يحلالي
وقصايدي بالشعر فيه اجملها
الطيب اللي فيه كل امالي
اللي وقف لامالي وكملها
زانت عليا في يديه احوالي
كان المناوي ماقدرت اوصلها
ودايم يطيب بطيب راسه فالي
مثل الغيوم اذا نتثر وابلها
رجلٍ يشيل من الحمول ثقالي
وأعلى القمم بالطايلة يدهلها
دايم أعلومه بالمجال إجزالي
واللي شكاله مشكلة يزهلها
ريف القريب وكل حيّ موالي
وإلا العداء في نظرته يزعله
إسمه يجمّل دايم ٍ لأمثالي
وقبيلته في سمعته جمّلها
