[ALIGN=LEFT][COLOR=blue]شعر-مسفر جمعان الصفا[/COLOR][/ALIGN]
[poem=font=\"Simplified Arabic,4,black,normal,normal\" bkcolor=\"\" bkimage=\"\" border=\"none,4,gray\" type=2 line=200% align=center use=ex length=0 char=\"\" num=\"0,black\" filter=\"\"]
ياسلامـي للهجـوس اللـي تصافـق فـي خيـالـي =مثـل صفـق المـوج لا قـام يتصافـق بالسفيـنـة
ترتفع بي عـن ردي العـرف والهـرج الهزالـي =مـــا تـقــود افـكــاري الا لمـحـاريـف الثمـيـنـة
شاعر واصفح عن الهـزلات وانحـى للجزالـي =اتنـقـى مــن بـنـات الفـكـر واخـتــار السمـيـنـة
واقبـل الـراي الـصـواب ولا اتعـمّـد فالجـدالـي =الـجــدال يـسـبـب الـفـرقـا ويـدنــي بالضـغـيـنـة
واتحـمـل زلّــت الصـاحـب بصـبـر وباحتـمـالـي =مانـي بمـثـل الهبـيـل الـلـي لـطـم بيـديـه عيـنـه
واتغاضـى واتسـامـح مــع كريمـيـن السبـالـي =الزحـول الـلـي تـلـم الشـمـل وتـقـود الضعيـنـة
الرجـال اهـل الشهامـة والرجـولـة والكمـالـي =مــا يخـاطـون الـدلـيـل وكـــل عـلــم فاهمـيـنـه
وانا عنـدي عـرف وخيـوط القضيـة مـا تزالـي =ولــو يحرفـهـا قلـيـل المـعـرفـه تـبـقـى مبـيـنـه
ولو غرق مركب جوابي في محيطات السوالي =المـثـل يـقـول مـابـه فــي هــذا الـدنـيـا غبـيـنـة
وطالما ان العمر فانـي والحيـاه الـى ارتحالـي =مـن بيـوت الشعـر مـا بابنـي ولا اعمـر مدينـة
لكـن ان طالـت هجوسـي يــا بعيـديـن المنـالـي =ودي اسـالـكـم ســـوال وجـاوبــوا ياعارفـيـنـه
ويش اسوي يارجال العرف واصحاب المعالي = بالغشيـم اللـي يعـد ايسـاره اغــلا مــن يميـنـه
ان نصحتـه صــد والبسـنـي جلابـيـب الظـلالـي =وشـب نيـران الفتـن والحقـد مــا بيـنـي وبيـنـه
وده انـي معـه فـي رايـه ويفـرش لــي زوالــي =واقـف بصفـه ويحسبنـي فــي البـاطـل عويـنـه
مـيــر يـــابالله عـلـيـه لـــو يـطـولــن الـلـيـالـي =مـا عليـه تنطـلـي حيلـتـه لــو يضـحـك جبيـنـه
وان تمـادى فالعواجـه مـا حسبتـه راس مالـي =باشجـبـه واستنـكـره وامقـتـه واذمــه واديـنـه
[/poem]
