شعر: مشعل مسحل الأوبيض
دكتور لاتسأل وش اللي حصلي
ولاتكتب الــوصفة وتطلب تحاليل
أنـا علاجـي فالسعـة والتسـلي
فـي خاــيعن مسقيه وبل الهماليل
في حدو روضن بالخضار متملي
وناراً نـجاذب جمـرها للمعاميل
وذوداً على روس النوازي مفلي
وخــوة نشاماً كلبوهم مشاكيــل
أسلي الخاطر وانا في محلي
وأمــد شــوفـي للمزون المقابيل
هاذي عيادة نفس وعلاج كلي
فيهــــا سعاده للنفـوس المعاليل
دكتور أخذ من وصفتي لو ملي
وتـلـقـى نـتـايجـهـا بليا محاليل
مادم أنا عاقل ومسلم واصلي
واطلب من الله حاجتي تالي الليل
خل العلاج اللي كتبته يولي
وآخذ العلاج اللي شرحته بتفصيل
كأنك على الصبر الجميل امتحلي
لايرتفع ضغطك من الشرح بالحيل
واسمع كلامي لايصيبك تعلي
ترى التواضع من صفات الرياجيل
