شعر- الوجد
يارب وأنت اللي عن الغيب تعلـم
ياللي لغيرك ما تفيد الشكّــاوي
أفرج على قلب لا جاء الليل واظلم
تلفي همومه من جميع النّحـاوي
قلب على صلف المواجع تأقلــم
ما يهتني دايم حزين و شقــاوي
ما غير يتمنى السعاده ويحلـــم
ويا عنك ما تنفع كثير المنــاوي
همّي بنا له داخل القلب معلـم
وذيب الهواجس بالمعاليق عاوي
ما فيه يوم من التفاكير يسلــم
وعلى جميل الصّبر ماهوب قاوي
غدى من الهوجاس موحش ومظلم
وزادت همومه و المحن و البلاوي
