شعر: عبدالعزيز العرعري
رؤية: حمود الصهيبي
نص يبث العذوبة في الروح في سياق درامي وبأسلوب جمالي بديع متلاحق بأخيلية وفكرة جديدة ، تصور لنا رمزية مدمجة بواقعية سحرية في قدرة الشاعر على الإبداع في جماليات التضاد والتقابل، في الشعر الشعبي ، ليدهشنا في عمق المعنى وسلاسته مع تكثيف الصورة والإبداع في الفكرة، ليجبر القارئ على أن يعيش في مخيلة الشاعر.
وينك حبيبي (لا بريد ولا آلو)
أبطيت ما بينت ويش السالفه
كسرت برج القوس يا برج الدلو
وأضميت كبدي لين صارت ناشفه
ياللي دفنت المر في وسط الحلو
وعزمت قلب اللي عروقه تالفه
أكلت من عرض الكفوف اللي كلو
جوعتني..وأكلت وجبه طارفه
ماعاد لي مقعد بعد ما بدلو
أنا لي الله ،، وأنت قلبك والفه
ماني براجع دام شدو وانزلو
ما عاد لي رغبه ولا بي عاطفه
تليت بعد اللي على قلبي تلو
وذلفت يوم إن المشاعر ذالفه
سليت مع بعض الجروح اللي سلو
وهتفت مع بعض الجروح الهاتفه
