كلك ذوق

 شعر- عبير بنت أحمد

معوّدني على الغيبة..ولا يخفاك .. (كلك ذوق)
حضورك حلم ..ما بأقبل غنيمه غير تحقيقه
هلا بك.. قد ما عنـّك خيالي ما يعيقه عوق
هلا بك قدّ ما طبع التغلي منـْـك ماطيقه

أحبك.. إيه أحبك قلتها لك وارتفعنا فوق
حشــا ما نـنـزل وربي رفعنا عن مخاليقه
كفانا من ورى الدنيا هوانا والأمل والشوق
حريقة تحرق الباقي ولا تجــتاحك الضيقه

ولا قبلك خلق ربـي حبيب ولا انخلق مخلوق ..
.. يفرّقـنا .. مدام الله مجمّعنا بتوفيقه
ومهما قيل عنــّك من حكايا مصدر ٍ موثوق
أنــا بيِّت نيات الـتـخلّي عـن مواثيقه

عساني من سبات آخر عهد لي بالهوى مآفوق
وتاخذ خافقي وآخــذ خـفـوقك من معاليقه
نخلّي حظنا غصب ٍ علــيه يطيعنا ويروق
نعيش فحـلمنا مابين تكذيبه و تصديقه ؟!

وتطلع بنتنا تشبه أبوها بالدلع والموق
ويطلع إبننا نسخه من امه دون تخويقه
حبيبي لا تطـوّل غيبتك يكفي / عطشتك شوق
وحلمي/ من زمن آدم/ يبطي/ ما نشف ريقه