شعر:عبدالله سمير الحربي
وش عليك وطاري الفرقى سراب
ترسم احلامك على كف القدر
ماقضيت العمر حسره واغتراب
ماشكيت الضيق تبكي من قهر
مستريح البال ماهزّك مصاب
ماجرعت مْن الزمن كاس الغدر
ماطواك الياس ماهمك غياب
ماشكيت مْن السهر لين الفجر
مارأيت الحلم يدفن بالتراب
مانزفت البوح من ضيق وكدر
مادريت ان العمر رحلة اياب
يارفيق الانس لوطال السفر
لوخذلك الحلم في ليله وغاب
والسنين تمر ماباقي عمر
جا رحيلٍ مـرّ وايّامه ذهاب
لورياض العمر اشجار وزهر
في سنيني حزن واوجاع ومصاب
في سكون الليل والرحـله سهر
يوم كانت دنيتي حلم وشباب
والاماني في سما عمري مطر
ماتت حروفي على سطر الكتاب
مابقى عقب الشقا الا سطر..!
مرتوي من (كاس حزني) والعذاب
عشت بالدنيا على خط الفقر
