شعر- خالد الظويفري
جاتني ترفل على عيــون الصبايا
كنـها المشـــرق يويـق بدفتـري
كل خطــوة تنقــل الضي بهقايا
للصبــاح اللي من الشلـه بري
والخطاوي بين حسنـات وخطايا
المشي ابلغ وصـول من الجـري
ليــه ادوّر بالســوايا من ســوايا
لجـل افــز العنـ/صـري العنصـري
شعر(ابو الطيّب) به الحكمه مزايا
ماسبت ميزة عـذوب (البحتري)
العـزيـز اللي يبادلني التحـايا
بالشـعــــر من منبــره لا منبـري
من يعـذل الغيث لا عم الشغـايا
لا نبت شعـري على الشعـر عثري
اعذب الشعـر اعمقه سهـل القرايا
واقبـح الشعـر افجـره لو جوهري
قلت و(الشاعر رسول) الى الغوايا
ينقش الشـارع كما نقش الزري
دام عـذالي ماهـم عني سلايـا
ماجمعهم غيـر بيــت ٍ من ثري
جاتني وعيـونهـا قــرم السـرايا
واوقفت بين الحـــري والمحتــري
ظويفـريه جـات من بيض النوايا
للوجيــه اللي سمت بظــويفـري
(عيــون الصبايا)
