شعر: عبدالله رشيد العصيمي
كل الدول قلت لسلمان لبيك
خمسين دولة فى الرياض احتضنها
ياقايد الأمة عظيمه مساعيك
ياحامي القبله وحامي وطنها
المملكة بالصوت قامت تناديك
قامت تغنج لك وتظهر إزينها
دار الوفاء والأمن مافيه تشكيك
من ضدته سود الليالي زبنها
يالقايد اللي كلمة الحق ترضيك
لادقت الطبلة ودندن لحنها
تاطى على روس الافاعي مواطيك
لاثارت الهيجا وقنت دخنها
أضرب على هامات روس الصعاليك
اللي تبيع المجد برخص ثمنها
النصر يبرالك وشعبك يباريك
يمشي على كلمتك ماماج عنها
إلك الولاء والشعب كله مواليك
شعب(ن)يزلزل شام الارض ويمنها
والشعب لمحمد يزف التباريك
نجلك نحبه والمحبة ضمنها
