شعر: احمد الويمني
هنا رغم الإضاءة/ غرفتي تبدو بلا ترتيب:
تذاكر رحلتي/ فاتورتي/ سجادة الطاعة
بهذا الزاوية ورد وهدايا عيد / غرشة طيب:
وفي الآخر هناك / رسالةٍ للحين ملتاعة
عليها اسمٍ/كثر ماهو قريبٍ ماعتقدت يغيب:
وصورة شايبٍ ينظر إليّ ويشير للساعة
هنا برواز حلمٍ طاف وعده/ واعتراه الشيب:
سقط واستبشر الأسمنت فيه / وكسّراضلاعه
وهنا شماعةٍ كانت عراويها بباب الغيب:
بعدها كيف لاشيائي /تظل بدون شماعة
ونا خو (فاطمة ) من صغر سني ماوطيت العيب:
وش اللي صار بك / ياغرفتي هل قامت الساعة
بـ المّك والعرق في جبهتي / ينضح بمافي الجيب:
وانا يوم اجمعك لانتي بمال ولا انتي بضاعة
بغيت اسرح / وانا ذيب النهار/ وجا نهاري ذيب:
وحظي كلما يضغط زنادة / كُسرت اصباعه
تشير اسوارنا للعولمة / والفكر والتغريب:
وانا مابين محسوس الخطا /واصوات خداعه
أبد يالص حارتنا/ ولاتحتال / وبك الريب:
وحارس شارعي مانام / لو يتوسد اذراعه
يمر الوسم باعشابه/ وتزهد راحة الترحيب:
ولااحدٍ ينتبه / لين اليباس / يحرّك اتباعه
على ويش العتب/ وآخر قصيدة قالها ابن الريب:
خذته الى القبر/ واصبح وديع/ وصارت وداعه
