شعر فحيمان الحجوري
ياباني البيت لا تبنيه لين تجود الساس
ولا تحسب انك ليامنك بنيت البيت باقي
البيت سيسانه اربع كل منهن وده قياس
افطن للاربع وفيهن يصبح البنيان راقي
الاوله باالحلال ولا تحاول تخدع الناس
خله حلالن حلو لا يداخله مر المذاقي
والثانيه جوده عن كل عاصف فيه نسناس
شوف العواصف لها صفقات تثر باالرواقي
والثالثه شوف درب السيل مالك فيه مجلاس
السيل مع مدرجه يمشي ولا بد التلاقي
والرابعه شرعه للضيف شوف الضيف حساس
الضيف لا حصله مصكوك فيه الكون ضاقي
ومجلسك في ظل شجره ظلها يقصر عن الراس
اطيب من المجلس اللي ماتنصاه الطراقي
