شعر: محمد الفالح العبدالمحسن
ياقلب ياللي من الدنيا طوى صبره
من وين ما اروح مالقى للسفر داعي
مكسور قلب ن على رب البشر جبره
مايجبره غير من يعلم بالاوضاعي
اللي يسوق السحاب ويدفعه أمره
ومن السماء تنزل القطره على القاعي
للحزن فيني طيوف وللشجن نبره
والتايهه في خفوقي مالها راعي
حتى القلم تشتكي لاوراق من حبره
والكون زود ضجيجه واتعب اسماعي
متى ادفن الهم واقفي عنه في قبره
وارتاح من حيرتي وافارق اوجاعي
ياعين لاتخنقك من ضيقي العبره
عقب الدهر يعجبك ياعين مرباعي
والعاقل اللي من الدنيا خذا عبره
لايام تدريس للي هاجسه واعي
