شعر: أسعد الروابة
شقول مدري عنك يا غاوي الصمت
حيرتني والليل يرخي سدوله
ما قلت لو هو حرف من يوم سلمت
سويتنا بين المخاليق هولة
لابشّ وجهك للقا ولا تكلمت
والليل ثاوي والخطاوي عجولة
والله لو ما انت بخفوقي تيتمت
وانك وحيده من زمان الطفولة
لا اقول لك من قبل تقعد توهمت
ما انت الذي كنت اترجى وصولة
وراك حتى عن سحور الحكي صمت
ماكن به مابيننا..ما نقوله
عابس تحسّب للمقابيل لو همت!
وايديك في صدر الكلام مْغلولة
خل الزعل لَا تْعكّر الجو بالصمت
افرد حجاجك ياعريب الحمولة
بالله قلي وش يصير ان تبسمت
(بس ابتسم) .. كل الأمور مْحَلولة
