شعر: نوال الحربي
افزع مع اللي لو نخيته فزع لك
بعض المعادن تنكشف بالشدايد
ماكل من تفزع عشانه شكر لك
يمكن يشوفك طامعٍ بالفوايد
تعطي مشاعر تحسب الناس مثلك
والطيب متعدي حدوده وزايد
بشويش لجل الخلق بشويش لجلك
ياما علاقات انتهت وانت جايد
ينسون فزعاتك وينسون فضلك
ويكافئونك بالجفا واللهايد
إسعاد كل الناس ماهو بشغلك
للناس رب وخالق الناس قايد
تحبهم؟ لاتشيلهم فوق حِمْلك
ترى المحبه تستمر للمُحايد!
