[ALIGN=LEFT][COLOR=blue]شعر- مرضي الخمعلي [/COLOR][/ALIGN]
الشاعر الجميل مرضي الخمعلي خص قراء ( ملامح صبح ) بهذه القصيدة الوعظية ( الله وعدني ) والتي ابدعها مؤخرا ومع شكرنا له على حرصه وتواصله معنا، ندعوكم لمشاركتنا قراءته حيث يقول:
[poem=font=\"Simplified Arabic,4,black,normal,normal\" bkcolor=\"\" bkimage=\"\" border=\"none,4,gray\" type=2 line=200% align=center use=ex length=0 char=\"\" num=\"0,black\" filter=\"\"]
الله وعدني ببيتٍ داخل الجنّة= والشرط بس أعبده، وأقرأ بقرآنه
وأصلّي الفرض واتبع فرضه السنّة= وأردد استغفر المولى، وسبحانه
والأرض فيها هل الأموال منجنه= تسابقوا صوبها في روح ضميانه
وإن جيت للتاجر اللي يغري بـ/ فنّه= فك المخطط وقام يحلوي لسانه
يقول هذا المحل الزين ما عنّه= شارع تجاري عليه البيت له خانه
ويقول بيتك ترى الأمتار يكفنّه= والواجهه خلّها محل دكّانه
وأجّر على عاملٍ ظنّك على ظنّه= يدبّر البيع وأنت تصير ديّانه
والبيع حاضر ومتر البيع بالسنّه= والبنك يعطيك قرض، ودان يادانه
واسكت وأنا بداخلي ياصاح لي كنّه= وأفارقه والحشا تشتّب نيرانه
ويعين صدرٍ صروف الوقت يبرنّه= الواحد اللي ما صك بيوم بيبانه
ويعين من لارقد مرتاح سرنّه= هموم دينه وشح أيده لورعانه
وأقول سترك علينا واغفر الهنّه= ويسر لنا الخير، وانت الخير واحسانه
القبر حاصل بلاش ولا لأحد منّه= مترين يكفن جسد حفرت على شانه
عطفك وشفعك لعبدك يدخل الجنّه= ويسكن فـ/ بيتٍ كلام الله جدرانه
[/poem]
