الهم صحيح لاكبر وصرت مخنوق
وتضيق دنياك لو هي وسيعه
تضحك مع الناس وقلبك محروق
على حظ مات زرعه وطليعه
تظلم شمس حياتك مالها شروق
وتموت أزهار عمرك وربيعه
تجلس مع الناس والبال مسروق
هم خفي للناس بكره تذيعه
بس القهر لاصرت وأفي ومحقوق
والناس تشهد لك بزين الصنيعه
والله قسم حظوظ خلقه وبفروق
الحظ من عاش بلا هم وجيعه
والحظ لمات ماله ملحوق
وأن ماطاعك الزمن تطيعه
يقولها منهو من الهم مخنوق
وتهل أدموع عينه سريعه
لو الحظ ينباع وله سوق
حظي معك والله لا أبيعه
موضي المرواني
