يسعد صباحك

[ALIGN=LEFT][COLOR=blue]بدر بن عبد المحسن[/COLOR][/ALIGN]

[poem=font=\”Simplified Arabic,4,black,normal,normal\” bkcolor=\”\” bkimage=\”\” border=\”none,4,gray\” type=2 line=200% align=center use=ex length=0 char=\”\” num=\”0,black\” filter=\”\”]
يسعد صباحك .. ليلنا تو ماجا =الشمس غابت واشرقت عندكم شمس
هى شمسنا اللي في جبينك تلاجا =والا قمرنا اللي فقدناه من امس
ليل السما برد وسحاب وعجاجا =يامن يشب النور في الخاطر العمس
انتى وانا لو كان منا نتناجا =لاماطفت في خاطري شمعه الهمس
ياللى جرحتك مالجرحي علاجا =ادري الجروح النازفه تكره اللمس
بقول احبك وان عقدتي الحجاجا =لا قولها ثنتين واربع مع خمس
ويسعد صباحك يابعد كل ماجا =وماراح من عمري وانا في رجا الشمس
[/poem]

[ALIGN=CENTER][COLOR=red]الأربعين[/COLOR][/ALIGN]

[poem=font=\”Simplified Arabic,4,black,normal,normal\” bkcolor=\”\” bkimage=\”\” border=\”none,4,gray\” type=2 line=200% align=center use=ex length=0 char=\”\” num=\”0,black\” filter=\”\”]
ادري أن الوقت يذهب ما يعود =اربعين فارقتني يالعنود
ماطر الأيام من غيم الزمان =ما يبل الريق لو مهما يجود
كم شربته بارد صافي قراح=مادريت ان الظما سر الوجود
كل شمس تلمس اشجار العمر=تحرق الاوراق وتجف الفنود
وكل ريح تدفع اشراع العمر=ينقطع به حبل ويميل العمود
اربعين مرت وتوني صغير=انتظر لاعل تصدق لي الوعود
والغريب اني على هذا مغبوط=ادري اني ابخير لاشفت الحسود
الزمن يابنيتي كله زوال=ماتخلد كود لحظات السجود
[/poem]