شعر: نواف بن الهنيدي أبا العلا
منصور منهو ثبت القول بفعول
على عدو الله تبطش يمينه
مليكنا طبعه على العز مجبول
شهد له التاريخ ومؤرخينه
سلمان بن عبدالعزيز أذهل عقول
الكون كله والملا هايبينه
وقته وجهده للعرب دوم مبذول
في حاضره وللي مضى من سنينه
الصعب يسهل في جنابه ومحلول
شامان في وقت اللقا ذاخرينه
المملكة في عهده تطول وتنول
عوايد الضرغام يحمي عرينه
لا دن رعاد الخطر دونها يحول
كم قايداً من دونها كاسرينه
رمز الشجاعة يا عسى عمره يطول
يالله عسى يارب تبطي سنينه
ولي عهد المملكة خير مسئول
الخير رسمه بيناً في جبينه
ذرب الفعول اللي على الطيب مصقول
(فخر الوطن) بالفعل ومواطنينه
ساس البلد بالعدل رساه بأصول
بالشرع والسيف الحدب حاكمينه
حبل الأمل بالله ثم فيه موصول
بإذن الولي منوالنا واصلينه
المدح ما يارد على غير مدلول
المدح تزاه الملوك الرزينه
تحت أمر أبو سلمان والراي مفتول
قلب الهدف بقيادته صايبينه
عدونا بين ولاهو بمجهول
بين على مر الزمن عارفينه
إيران محور شر خايب ومذلول
العنف وأعمال التطرف تدينه
متبني الإرهاب لا شك مخذول
لو هو طويل يدين نقصر يدينه
سياسته ما بين قاتل ومقتول
دم البشر في شرعهم جايزينه
جهل الملالي عندنا غير مقبول
إن قاله الله بالحزم رادعينه
