شعر: سميرة العتيبي
يانديم القلب يالقلب الشغوف
ياطهارة حب قلبي والنقا
عيني اللي مابعد عينك تشوف
وقلبي اللي ماهو لغيرك رقا
وكلمتي لاقلتها طعن السيوف
من هقاوي الطيب واللي له هقا
لو تصير الناس فعيوني صفوف
والله ان الحب لعيونك بقا
لاضميت الريق ماغيرك ينوف
وحب قلبي ضامي الخافق سقا
ماهقيت الا على حالي تروف
وترحم اللي من بعد شوفك شقا
وسود الله وجه بعدك والظروف
وبيض الله وجه شوفك واللقا
