شعر- هادي الجنفاوي
لو تدخل الغيمه
على ، عتام الدور
تصير جدراني
فُل وندى وعطور
والأزرق الفاتح
يفتح سواد الظل
ويقرّب الأحلام
واللي اشوف يذبل
لو تدخل الغيمه
بجدارنا الأسمنت
يسألني الواقع
بالله منهو أنت
واجاوبه
واقول
هذا انا . اللي كنت
وودع الواقع
وادخل انا الغيمه
وتروح فيني
للسما
واترك عتيم الدور
واتحول لديمه
وانزل مطر هتان
على كفوف امي
وهي تدعي الخالق
اني اصير انسان
وارجع لها مزمول
وتحظني برقه
واصحى واقول :
معقول !؟
معقول
أنااا
معقول
والا انزل لورده
وابلل اطرافي
واقطفني لقلبي
حبيبي الدافي
يا .. للأسف !
ياليت ؟!
لو تنزل الغيمه.
