شعر- عبدالعزيز الدوسي
من وعد جدب الفيافي للمطر في راحتينك
كنت صورة مرت الدنيا غرور،ومحض صدفه
للحزين اللي ترك موته يسولف عن حنينك
مثل ما طاحت ظنونه صافح الخذلان حتفه
سالف ايامه توسد دمعة..تاهت بـ عينك
واستراحت من حيا في ذمة الواقع وعٌرفه
اكتفى من لعنة الليل ولقى(حلمه)سجينك
واعترف للصبح عن كسرة جناحينه وضعفه
شاحبه مرت ملامح(قريته) من حزن طينك
لا تفّيت في ظلال الذاكره..للحزن:وقفه
مرها طفل طرقه الريح..في راحة يدينك
نصفه استمطرك من نسيان واستاذنك نصفه
فـ الشعور المحترق..كثر انكسارتي ل وينك
ما حسدت الا(جبل)طاحت مواجعنا بـ كتفه !
جدب الفيافي
