أشتاق لك

شعر- محمد الرفيدي
أشتاق لك..
تدري متى أشتاق لك؟..
أشتاق لك:لا من دريت انك “هَلي”
وان الديار الممحله لوتنبت الماس وذهب
ماهي مثل يوم “أنت لي”
وان الفؤاد اللي تعلق بك ولَه
ماهو مثل يومه خَلي
اي والله انك مايلي
اي والله انك مايلي:
1-شيء”ن” عظيم من الخيال
2-أرق من همس الرمال
3-واحن من بعض العيال
4-واشدّ من لثم الوصال
5-واقرب من اعمام وخوال
وازيد..ويش آزيد لك؟..
تبغاني اغرف من بحر
وألا اشق الصخر لك
أنا قبل غلطتك هذي،ما احسب ان لي في الهوى
كنت افتكر اني تعدّيت الحدود،وصرت ضمن اللي هوى
لين انتشلتيني”سماء”
لين اكتشفتيني “بحر”
ياسيّدة حسن النساء العاقلات
ياللي على صوتك اشدّ بـ ليل..دون اني أبات
مالك طريق
من صوبنا
خذني رفيق
بـ دروبنا
يمكن اذا حسيت في لحظه بأني “زنت لك”
ترتاح لي
يمكن اذا شفت النسيم يمر بك
ينوح لك/ماناح لي
واظل اشوفك معظله..
جتني بعد هذا الطريق الشائك اللي ماانتهى
حتى فقدت البوصله
لكن عساك تقودني للي يخليني احس
اني بدونك حنظله
اني بدونك حنظله
• 24 /9 /1437هـ