(اوجاع صبرك)

شعر- سعيد موسى
مايوجعك سهمٍ يجي وسط ظهرك
إلا ان رامي السهم..من اقرب الناس
الله أكبر…ما اعظم اصلك وصدرك
وإنته تشيل السهم وتقول(لاباس)
ياليتها جتني على الحمل تبرك
عزالله إلا ضربتينٍ على الراس
ياخال ياحمّال ياخال..بصرك
آسرتها في خاطري خيفة أنجاس
مدري على من ترسل اوجاع صبرك
الله لايوجعك مير العتب ..فاس
الظلم ظلمه..كان للظلم تدرك
فضحتني والله مابين الاجناس
الله يسامح راعي السهم..واجرك
انك تشوم أحيان عن طايح الناس
ياما عليت وقلت ارقى بقدرك
والناس ياخي كنها نفث وسواس
يامن غدا باإيديه يمسح ويفرك
الله يعين وكل جرح ٍ بمقياس
ياما أقول القلب بيتك وقصرك
الله وكيلك ماغدا فيني إحساس
ياليتها بالصدر..ماهي بظهرك
لكن سترت الجرح..لاباس لاباس