عرش الغرام

شعر- فيصل بن عباد الهذلي
ما بـغـيـت الـموت…لـكـني بعـمـري وش نويت!!
يـوم صـارت كـبـريـاء الـنـفـس عـن ما اريد عـوق
مـا دريـت إلا وأنا كـلـي عـلى الليل إرتـمـيـت
ويـن أنا!! والـحـزن سـاكـنـي مـثل نبض العـروق
لين جاني مـن بـداني بـالـهـوى لـيـن إنـتهـيـت
في طـريـق ٍ مـا عـرفــنا لة غـروبٍ مـن شــروق
قلت له:وشلون جيت ؟ وليه رحت ؟! وليه جيت ؟!
قال:أنا… ثم أنت … ثم الشوق والقـلب الشـفـوق
قلت: وشلون أنت ؟!! قال:بجهل جاهل ما دريت
إن قـرب الـنـار يـحـرق لـيـن صـابـتـني حـروق
قلت أنا ؟! قـال:أنت يالـي لا أخـذت ولا عـطـيـت
في عيوني مـثـل رجـوى الـبـدو لـمــاع الـبـروق
قـلت قـلب الـشـوق ؟! قال:الحب بلوى وابـتـلـيـت
بس أنـا بـسـألك تـدري لـيه سـمّــوه الخـفـوق
قلت:مـن خـفـقـان نـبـضـه ..قال : ما هـذا عـنيت
ذاك لأنـه مـثـل طـيــر ٍ… مـثـل طـيـر ٍ مـا يـروق
ما يـحـول مـن سـمـاه وكـل مـا أراد الـمـبـيـت
لـدْ وإلـيـا الــقـــاع دونـه والـهـوى يـرفـعـه فـوق
ذاك قـلـبـي لـيـت لك قـلـب ٍ مـثـل قـلـبي ولـيـت
يـرتـقـي عـرش الغـرام ويـلـتـقـي شـوق ٍ بـشـوق