تدري وش ابغى تقول لي قبل فرقاي ؟..
تدري وش ابغى تقول عن طيْـب نيّه ؟..
ودي تقول.. أو عاد تدري وش الراي ؟..
تسكت ، ما دام السالفه سرمديّـه !
رشيد الدهام

شعر – الخنساء الصغيرة ..

تعتبر استثناء من بين الشاعرات وتجمع بين إبداع الشعر وروعة الريشة كفنانة تشكيلية يشار لها بالبنان هذا بالإضافة الى كونها كاتبة صحفية وناقدة واعيه.
انها كاتبتنا الأخت والزميلة الشاعرة والفنانة الخنساء الصغيرة ( نوال ) والتي خصت قراء ( ملامح صبح ) بقصيدتها الجديدة ( تدري ) التي تجسد تجربتها الشعرية الثرية.ومع شكرنا لها وإعتزازنا بحرصها وتواصلها معنا، ندعوكم لمشاركتنا قراءتها والحكم لكم حيث تقول :

تدري ؟ غيابك مكتسح في حضورك
يعني حـضـورك تـقـدر تـقـول نـايـم!
تـدري؟ حنـانـك ما تـعـدّى سـطـورك
وتـقـول شيّ وتـفـعـل العـكـس دايـم
تـدري؟ تـعـودت الجـفـا من فتورك
والـقلـب بـعـدك زاهد وعنْك صايـم!
تـدري؟ تسـاوى في حياتي مـرورك
طــوّل/ قصر .. جـويّ مُـلبـّد وغـايم
ما عـاد صدري ينشرح مع ظهـورك
ولا عـاد فـكـري بـك مـتـيّـم وهـايـم!
لـو هو ظـلام الـدرب يـحـتاج نورك
يـبـقـى احـتـيـاجي دايـم الـدوم شـايم
هـذا الكـلام ان كان يـجـرح غرورك
فـالـمـعـذره ماصـرت للـقـلـب رايــم