[COLOR=blue]مطلق الثبيـتي :[/COLOR]العما ولا العـور ولا العـرج مـا ينغزيلـه
والحروب اللي ورا الحرة قنعنا من ديرهـا
أنت ما دينت لين أروحـت دخـان الفتيلـة
صكت الظلما عليك وكيف يطلع لك قمرهـا
[COLOR=blue]صيـاف الحربي :[/COLOR]أكثر العربـان يرميلـه بكلمـة مستحيلـة
يلتمس من لحية المسلم وينتف من شعرهـا
فالحجاز أزهمك وأشرلك بيمنـاي الطويلة
وأن وصلنا نجد تنزل وسط حفرة من حفرها
عبدالله المسعودي:
تبا تزبن على الحيد الزبين وتبذل المجهود
سوات الناوي مخلف الساقه وعاقبها
لكنك حج واحرم والفريضة بيتها مريود
ليا صح البدن باقي المراجل من مكاسبها
مستور العصيمي:
ليا منك جحدت السالفة عندي علاك شهود
شهود تشهد انك سبها وانك سبايبها
لقيت ايدامها قدامها في سبلك الممدود
وبعض الناس وشهو عذرها في ترك واجبها؟
صياف الحربي:
الثبيتي كل ما شاف البحر يومي براسه
والبحر لو شاف مطلق فالجبل ما يلتفت له
يحسب انه شجرة خضرا يقطعها بفاسه
أشهد إنه من مفاعليه حفلها الله يحفله
مطلق الثبيتي:
الثبيتي كل ما شاف الحنش بالرجل داسه
وإن سمع له واحد يهرج ويحظى ما سكت له
إنت يالحربي لحالك ما على راسك حراسه
وإنت تعرف كل حربي لو يسير حل قتله
حبيب العازمي:
أنا ومستور ربع ومثل الإخوان
لكن هذه السنة ماني بداري
والسر موجود في خاتم سليمان
ولا قراه اسلمي ولا مطاري
مستورالعصيمي:
هذا من أول لكن اليوم يافلان
حطيت لك يا حبيب عم غاري
رفعت راسك وصار الجيب مليان
ولا من أول تقيل في الكباري
مطلق الثبيتي:
لك الله لوماني في محل اهل الكرم والجود
لشيلك ثم ادفك من ورا جيزان من غادي
انااشوف القبوري قام يحفر قبرك الملحود
ومنكر يحتريك بسيف يطعن سود الاكبادي
جار الله السواط:
تردد لك علوم كبار يا حاسد ويا محسود
والا يالاجودي في رحلتك عذبت الاجوادي
ابااقود السوالف والمعاني يالثبيتي قود
وابا اكلفلك الطبخه وازيد اسقيك برادي
رشيد الزلامي:
يا سلامي ها السلام اللي خفيف ٍ دمّه
معه جنسية ويبغى له جواز سعودي
مشكلة صياف صارت بين ابوه وعمّه
والسبب ناس ٍ تدق الملح والبارودي
صياف الحربي:
مرحبا بالشاعر اللي ما قدرت آذمّه
الليالي ما تغيّر والزمان ايعـودي
الزلامي معه علم وكل شي ايهمّـه
مير لو يزعل تغيّره الليال السودي
سلطان الهاجري:
[poem=font=\"Tahoma,6,black,bold,normal\" bkcolor=\"\" bkimage=\"\" border=\"none,4,gray\" type=2 line=350% align=center use=ex length=0 char=\"\" num=\"0,black\" filter=\"\"]
اللي عطوك الوداعه يحسبونك وديع=الصبح لو ينشد ونك قلت ما أدري بها
يا صاحبٍ تنطع الفزعة بصدر وسيع=العافية مع طلوع الشمس يا طيبها
[/poem]
صياف الحربي:
[poem=font=\"Tahoma,6,black,bold,normal\" bkcolor=\"\" bkimage=\"\" border=\"none,4,gray\" type=2 line=350% align=center use=ex length=0 char=\"\" num=\"0,black\" filter=\"\"]
لا تعترض للوداعه وانت مشيك سريع=العافية مع طلوع الشمس يا طيبها
كنا نصارع سباع الليل في كل ريع=وانت مع ام الوليد وايدك بجيبها
[/poem]