[ALIGN=LEFT][COLOR=blue]شعر – ضيف الله مناور البدراني [/COLOR][/ALIGN]
[poem=font=\"Tahoma,6,black,bold,normal\" bkcolor=\"\" bkimage=\"\" border=\"none,4,gray\" type=2 line=350% align=center use=ex length=0 char=\"\" num=\"0,black\" filter=\"\"]
خلاص يكفي يا عرب ذل ورقاد =حلوقنا ما دونها إلاّ اليديني
خلاص يكفي يا عرب نوح وسهاد = نبغا انتجمّع للعدو ما نديني
خلاص وش باقي نورّثه الأحفاد =غير المهانة من عدو مستبيني
حنا صبرنا لكن الصبر ما فاد =بالعكس زاد القمع والله يعيني
نشجب ونستنكر على فعل الأوغاد =ويعاود الــكرّة لــنا مــرتيني
الظلم يا اخواني تفشى بنا وساد =في كل ساعة صار وبكل حيني
وينك صلاح الدين يا فخر الأجداد =تنظر على ما صار للمسلميني
ما هو بقلة ..زادوا أعداد واعداد =كثر العدد ما ينفع المستهيني
يعني صحيح اللي على الهون يعتاد =يسهل عليه من الهوان ويهيني
صارت عـروبتنا بلا علم وعتاد =وصرنا ا نتفاخر بالقعود السميني !!
قصدي مزايين الإبل سعرها زاد = ومن القصيد انخلّي الماء طحيني
والشعر له حفلات والكل قصّاد =والكل يشوف انه فهيم وفطيني
والكورة اللي أتعبت كل طرّاد =وعقــودهـــم تبتاع بالــملاييني
أما الأغاني كــلهــا حب ووداد = فيها التعري والفساد المشيني
هـــذه عـــروبــتنا ولا ني بـنشّاد =واللي مقدّر لي من الله يجيني
محد ٍ يموت إلا ّ بحزّه ومــيعـاد =وربي عساه برحمته يحتويني
ماني بمادحهم ولكن نقاد =من هول واقعنا المرير الــحـزيـني
هم شتتوا شمل العرب زمرة أفراد = تحالفوا يـوم العرب مبعديني
حنا العرب صرنا معابعض في عناد =واحد شمال الخط وواحد يميني
الحال والله يدمي قلوب واكباد = والجرح وسط القلب غاير دفيني
والوقت أشوفه يا عرب كله أنكاد =يا حال أمتنا عــليك الونيني
يوم العدو يحكم على كيف ما راد =بلوتنا صارت يا عرب بلوتيني
أهل الكفر واهل الوثن واهل الإلحاد =شلــّة حثالة كلــهـم خاينيني
ما نذكر أيام البطولة والأمجاد =أيام كنا للــعــجــم طــاحـنيني
ما نذكر أيام السيادة والأسياد =أيام كنا للــفــخر معــتلـيني
أيام صـولات العرب وابن شداد =فرسان فالشدّة حماة العريني
يوم الفضيلة تنشر بروس الأشهاد =أيام غزوات الرسول المبيني
أيام كانت شــرالأنعــام تنقــاد =غصبا عليهم للعرب صاغريني
النصر يبغى عزم واصرار وجهاد = وتصير وحده يا عرب ما تليني
المجد نكتب له من اليوم ميلاد =ميلاد نفخر به على العالميني
ويا الله ياللي تتبع البرق رعاد = تمطر عليهم من حجارة وطيني
وتجعل عذابك للعدو سهم مرصاد =وتذلـــهــم يا أحكم الحــاكميني
وتجعل لنا بالعز مصدر وميراد =وتقضي عليهم يا القوي المتيني
[/poem]
