[ALIGN=LEFT]شعر ـ محمد صلاح الحربي[/ALIGN]
[poem=font=\"Tahoma,6,black,normal,normal\" bkcolor=\"\" bkimage=\"\" border=\"none,4,gray\" type=2 line=350% align=center use=ex length=0 char=\"\" num=\"0,black\" filter=\"\"]
طيَّرتنا عواصف ياسنـا عـن شجرنـا=ليلة إنَّا حديـث أوراقهـا مـن غِنانـا !
غافلتنا ..ولا ادري وين ومنيـن طرنَـا=وادري إن الفضا مهما إتسع ما احتوانـا
قلت لك : هالزمان اللـي نفانـا خَسَرنـا=قلتي : ماباقي الا هالمكـان ..ونفانـا!
قلتي : هالكون مابه حزن يشبـه مطرنـا=قلت : ومابه مطر بالكون يشبه ظمانـا !
وإبتدانا السكوت اللـي تطـاوَل سفرنـا=حين عّز الكـلام اللـي يليـق بهوانـا
من هنا ..شفتفرق قلوبنا عن صوَرنـا=لأكتبتنا الشجـون وكـل عـرقٍ قرانـا
حنّا كنّا نعانـد فـي هوانـا ..واثَرنـا=نزرع الحلم بأرض الواقع اللـي جنانـا
معصية حظ كنا ..والقـدرمـا غفرنـا=مدري صوب الضياع السرمدي به هدانا
ياظما محمدك، ياغيث روحه ..نهَرَنـا=بوحنا ..حين..،لين الصبح يحضن ضيانا
حين كنا نتصاعد بالمعانـي ..وصرنـا=نبتديها هواجـس مثـل مطلـع شقانـا
من هكا الليلة اللي جـاب فيهـا خَبرنـا=ذابح احساس، خنجر ياس، شوّه مدانـا
كم صباحٍ عَبَر من بَعدهـا مـا انتظرنـا=والا كم ليل كنّـه لا حضـر مـا لقانـا
بَعْدهـا وان نوينـا بالأمانـي سَهَرنـا=ضيّعتنا هبايـب صمتنـا عـن غِنانـا !
[/poem]
