شعر- فواز الغانم
فيها صفات أهل الحضر والبداوه
بنت الكرام اللي تشق الضلوعي
ان اقبلت قلبي خذاها بحفاوه
أعلنت حبي من غرامي بطوعي
بنت العفاف الله عطاها نقاوه
تسرح على تل الفؤاد وربوعي
فوق الحلا تملك زياده حلاوه
ذوق وذرابه عِندها والسّنوعي
نعشق بعض بجنون حيل وغباوه
ان قالت شلونك شعلت الشموعي
تَطرب أَحاسيسي واضيع بفهاوه
كل النوارس تجتمع في نبوعي
صوت البلابل لي حدود السماوه
طيور بابل واليمن في خضوعي
