يافراقه

من كثر ما انا اتلهف واتوجد
خايف اني برتكب فيني حماقه
ماقدرت اصبر ولكن باتهجد
مالي الاّ حسبي الله يافراقه
صاحبي نادر ومثله ما يوجد
حاق به كل الحلا والزين حاقه
هو لمن غره جمالٍ به مهجد
يشهد الله ياربوعي والرفاقه
خلوا اما ال ابو وجهٍ منجد
باتجيهم لو يشوفونه لعاقه
والله انه يستحق انه يمجد
من شعر راسه الى من تحت ساقه
والله ان اصيح فيكم واتنجد
لو يسوي له مع غيري علاقه
من كثر ما انا اتلهف واتوجد
خايف اني برتكب فيني حماقه
ماقدرت اصبر ولكن باتهجد
مالي الاّ حسبي الله يافراقه
** **
الشاعر/ محمد بن جعمم الوايلي