شعر: طلال الطرقي
ياغايبـة.. من دونك أيامي شهور
والشوق واصل بي إلى حد الألم
مريت بغيابك على كل الشعور
إلا شعوري بالفرح أو الندم
قبل نتفارق كنت احسب اني صبور
وبعد الفراق أيقنت انه من عدم
حتى فقدت بغيبتك وجه السرور
وإلا الحزن ناصب على وجهي علم
أقدمت لك مقدام مغرم بك جسور
شاف النساء عندك وصيفات وخدم
واليوم ماهي لا متاع ولا غرور
تساوت الدنيا في عين المنهزم
ياغايبـة .. حبك إلى يوم النشور
مكانـه بقلبي على راس الهرم
لكن عزاي إن ماحصل مني قصور
سعيت لك لكن ربي ما قسم
