ياسلام سَلِم

شعر- سعدالشليل
عليها ياسلام سلم عليها
رزينة فكر محتشمه ثقيله
تلبي كل من جاء ينتخيها
أصيله وابفعايلها اصيله
أبيها وياكثر ناسِ تبيها
والا يا بخت من حبه تشيله
اذا جا الطاري اسمي عليها
ولو هي في تواصلها بخيله!
مشاعر خافقي منها واليها
ولها طيف بعيوني دوم اخيله
الهي عافها واستر عليها
بلياها حياتي مستحيله
ويالبي قلبها تسلم وأبيها
بلاها منيّل بستين نيله
نصف عمري مضي وانا احتريها
وصحيح القلب للعاشق دليله