الشاعرعبدالله فراج الشهري يرثي فقيد ساحة المحاورة الشاعر فيصل الرياحي الذي انتقل الى جوار ربه مؤخرا من خلال هذه القصيدة حيث يقول:
[poem=font=\"Tahoma,6,black,bold,normal\" bkcolor=\"\" bkimage=\"\" border=\"none,4,gray\" type=2 line=350% align=center use=ex length=0 char=\"\" num=\"0,black\" filter=\"\"]
سته محرم فيه علمٍ ماهـو سـار=ومنه دموع العين عيـت تجفـي
وفاة رجل صاغ جزلات الاشعـار=ولف المراجل وسط يمنـاه لفـي
بكتب بيوت الشعر والفكر محتـار=واصوغ معناها على غيـر شفـي
قلبي من الصدمة شعل داخله نـار=وراسي من اللي صار تسنده كفي
فجعة كبيرة من مقاديـر الاقـدار=وصفتها لكن علت فـوق وصفـي
الله يجبر صبركـم يااهـل الـدار=ويحسـن عزانـا كلمـة ماتكفـي
هذي خساره شامله كـل الاقطـار=وحزن على كل الخلايـق يزفـي
ياجعل قبره روضة كلهـا ازهـار=ونعايـم مـن كـل خيـر تلفـي
وياجعل منزاله بمنـزال الابـرار=في جنة الفردوس مع خير صفـي
والموت مامور على قصف الاعمار=باب ومعـه النـاس عنـا تقفـي
ما مات من بعده رجـال لهـم كـار=ومامات من خلـف رجـال توفـي
وصلاة ربي عد هتـان الامطـار=وعداد مايرمش مع الحـزن رفـي
[/poem]
