ايه هذا دورنا واحنا هنا والله اكبر
ايه والصف الامامي والصدارة للسعودي
ايه رفرف ياعلمنا تحمل النور المسطر
نفتخر ونشوش واحنا لك حماة ولك جنودي
كلنا ياسيدي سلمان في الميدان عسكر
كلنا واحنا فعايلنا من الماضي شهودي
علم اللي طامعا فينا ترانا الموت الاحمر
والله انه مايعدي شبر من دون الحدودي
ويايمنا لاتهون ولاتخاف ولا تكدر
في ذرا الله ثم ذرا اللي مايخونون العهودي
ماتعذر سيدي جاره نخاه ولا تعذر
عاصفةالحزم فعل وعزم زلزال ورعودي
ولاتوقف لين نعلن بعدها النصر المؤزر
ولين بيض افعالنا تجعل وجيه القوم سودي
خل عنك الثعلب اللي جاء بيستأسد ويزأر
الثعالب ماتقرب من عرينك يالاسودي
والمصائب شربها كنه شراب البن الاشقر
فعلنا نجرح به كبود ونداوي به كبودي
والله انا بالقيادة كلها والحزم نفخر
ويابلادي مثل ماقالو عمت عين الحسودي
