شعر: نادر العماني
كِنْ يوم السبت يستعرض صباحه
ويتباهى في صباحه حين بَكّر
وجه صبح ٍ يذكر الناسي رماحه
مانسيه إلا عَلَشان ايتذكّر
يلبس النور أوله مدري وشاحه
والمزاج بنور لبسه ما تعكّر
ودي آخذ في ضيا السبت استراحه
مثل ضيف ٍ مَـرّ وطيوفه تشَكّر
ياسليل الورد لوفيها وقاحه
لا توقّف لي على الباب المسكّر
امتلا كأسي ولا باقي مساحه
في دخول الكأس ، تكفى لا تفكّر
قال:ما أهون عليّ من اكتساحه
ما دريت إني لهذا الكأس سُكّر..؟!