[poem=font=\"Simplified Arabic,4,black,normal,normal\" bkcolor=\"\" bkimage=\"\" border=\"none,4,gray\" type=2 line=200% align=center use=ex length=0 char=\"\" num=\"0,black\" filter=\"\"]
كانت يديني قـــــصار وكانت أحلامــــي كبيرة=وكان من أول طموحي ثامن السبعه العجايــب
كنت طفلة بالبــــرأة وكنت بنـوتـــــه صـــغيرة =وكنت أرسم للأماني درب وأشكال وغرايـــــــب
وكنت أحلم بالغرام وكنــــــت أحلم بالعشيرة=وقت ماتخطي عداي يفزعون بلاطـــــــلايــــــــب
وشفت بأحلامي دروب وطفتها ديرة بـــــديرة=حتى آخر ماتخيل عيشتي فوق الســـــحايـــــب
كان حلم وكان ماضي وكانـت الدنيا نضيـــــرة=مثل ماكانت طموحي تعتلي كل الصعـــــايـــــب
ومرت سنيني تجرجر رغبتي ونفسي كسيره=وشفت حظي كيف يقتل رغبتي وبلا ســـــبايــب
عيشتي ماهي بعيشة وحالتي حالة خطيرة=كل يوم يزيد عمري لشقاء وأهل المصــــــايـــــب
صار حلمي بس أنجى من البلاء ثم أستجيرة=يعني صار اللي خشيته وآخر اللي كان غـــايــب
عشت في عالم مشتت والهوى ميت ضميرة=يقتل العاشـــق بدمعة غيـــــر تفريق الحـــبايــب
بدخل العشرين عــام وليتنـــــي فيها جــديــرة=كل من شاف حالي قال وشــــب الرأس شايــب
يحسبوني إني عجوز وعايشه حال الصـــغيرة=مادروا إني شباب خــــــايبة والحــــظ خـــــايــــب
والبلاء موبس حظي البلاء باسمــــي أميــــرة= ماخذيت إلا الحروف وزود منــــها الرأس شـــايــب
[/poem]
[ALIGN=LEFT][COLOR=blue]للشاعرة / أميرة المطيري[/COLOR][/ALIGN]
