شعر- عبدالله بن سالم ال عزبين
اول مرة يشاركنا الشاعر عبدالله ال عزبين من خلال هذا النص وندعوكم لمشاركتنا قراءته حيث يقول:
ياللي مع العالم تسوق الحظ وتقود النصيب = يمكن على طــول الطـــريق يهمــــلك وتهمــــله
كم واحد مثلك يسير الدرب ويدوس الصعيب = طاحت اعزومه كل ما شاف السراب يــــزم له
وكم واحد يطمح طموحك يحسبن كلش قريب = ان تمـلــه مـــاتـــم لك وان تــم لك مــــاتمــلـــه
هون على نفسك ورزق الخلق بيدين الرقيـــب = الــــرزق عنــــده والأوادم كـــلــهــا متــــأمـلـه
بعــــض الكلام يصيب ولا بعضها ماهو يصيب = وإلى نقص بعض الحـــكى فعل الرجال يكمله
كم حاضر في حضرته قالوا العرب ليته يغيب = يمكن غيـــــابه عند بعض الموجبـــات يجــمله
