شعر: مشعل مسحل الاوبيض
صب لي بالوفا والود فنجال دله
وشب نار المشاعر بالغلا لاتموت
كان تبغا تجمل عطني الوقت كله
فرصة العمر مره واحترص لاتفوت
انت مافيه مثلك لو يجي منك زله
لاتخلي بقلبي من جفا الحب صوت
كيف تاخذ دقاق الامر وتكب جله
وكيف تبني علي الظلم بني البيوت
خل عنك الظمير الحي لا تستحله
يوم شفت المشاعر كلها في سبوت
عيش وقتك وطيب القلب لاتستغله
دام عيني تغذاء فيك من دون قوت
ماعرفت النوايا يالرموش المطله
فيك يذكر حياه وفيك مذكور موت
كل شيٍ مسجل في لوايح سجله
مير انا بحمد الله واشكره فالقنوت
يوم ربي رزقني وملتي خير مله
ماني بمشتكي لك خير منها السكوت
مشاعر غلا
![](https://archive.albiladdaily.com/wp-content/uploads/2018/12/8-8.jpg)