شعر: اصايل نجد
الثقل وزنة كالذهب من مصبه
غالي ويفرض قيمته في وجوده
بعض العرب كالريح يعصف مهبه
تصديع راس ولايريح ركوده
وبعض العرب لامن هذر ويش طبه
هبده كثير ولاتبين صموده
ويلي على اللي من ركوده تحبه
حكيه قليل وياخذك في ردوده
القول والمنطق وهرجآ يذبه
مثل الشهد ينساب طعمآ وجوده
ي اللي قريت حروفنا مع مطبه
لتلوم من قرب ووصل حدوده
طبعي شمالي والشمالي لعبه
ضيق الصدور اللي تلاهب وقوده
اركد هداك الله ماقلت سبه
بس انطق الفارق وابين بروده
عديت بفكاري وشعري سردبه
واضح وعندي بالملاقاا شهوده
والحر يجزع والمنبه شهربه
يبقا على نهجه وماسك عهوده
هذا وعندي للمخالف منبه
وليا وصله العلم بيح سدوده