لا يجي للحب

[ALIGN=LEFT][COLOR=blue]شعر- عبير بنت أحمد[/COLOR][/ALIGN]

[poem=font=\"Simplified Arabic,4,black,normal,normal\" bkcolor=\"\" bkimage=\"\" border=\"none,4,gray\" type=2 line=200% align=center use=ex length=0 char=\"\" num=\"0,black\" filter=\"\"]
لا يجي للحب يالأشعار طاري=إدحري شيطانـنا والا رجمته
والدموع اللي بها طفيـّـت ناري=ليتها مأستعجلت باللي كتمته
الحزن قبل الهوى فالدمّ جاري=ماحرمني من وفاه ولا حرمته
وش بأقول ووش بأخلي وش بأداري؟=حلم عمري.. راح عمري.. ماحلمته!
من فقد ظلما.. لقاها في نهاري!=والوجود أمسى يواسيني بـ صمته
ويوم جيت آخذ من الفرقى بـ ثاري=جابت الأشواق طيفك.. لا عدمته
عقلك اللي شال من راسي وقاري=طبعك اللي لو فهمته.. ما فهمته
عطرك اللي كان بأنفاسي يماري..= كل بيت ٍ في قصيدي بك نظمته
كل صورة عذبت جدران داري=كل جرح ٍ حز ّ فيني.. وابتسمته
يمكن اْيكون الشـِّعر بايع و شاري=بس ابفهم حبـــــــنا وشلون سِـمته ؟
لـــو وفاي الحين عندك صار عاري؟؟=بأفتخر في عاري اللي لك وصمــته
طيــبتي ما تشفع لـْردّ اعتباري=والخفوق ابيض ولكنــّـك ظلمته
من تحبك.. ما تذمـّـك وانت داري=ما خبرنــا لي عدوّ ٍ قد شـتـمته
إسترح.. ما جبت للأشــعـار طاري=ولو يخيب الحب.. بأبقى محترمته
[/poem]