بقلم: هناء عصام
**و ف وسط فرحتنا بأوبريت مصر قريبة مش عايزين ننسى ان مصر لسه فيها ناس مصممة تشوه صورتها ! المحامى اللى بيقولوا عليه كان ف خليه ارهابية ده و اتمسك معاه اسلحة …مات ف القسم ليه ؟ والله اخوانى ارهابى ابن ستين طالما مامتش اثناء تبادل اطلاق نار وتم القبض عليه يبقى يتحاكم ..و انشالله يتعدم ..لكن مايمتش جوه قسم !! وان مات جوه قسم تقولوا للناس الحقيقة ..مش يتحظر النشر !! انا عارفة ان ده كلام مش هيعجب ناس كتير بس معلش …. ساعات لازم تعترف بالغلط و تشاور عليه عشان فعلا تحيا مصر …و تفضل قريبة !
***
واحد حبوب اوى من بتوع داعش مسمى نفسه ابو سيف البورسعيدى بس هو مش مصرى ..المهم مش عارفة جابنى منين على تويتر لقيته بعتلى رسالة بيقولى ( الحرب قائمة ..قد جاءكم جند خلافة فحذار من أسد الإله حذار…عهد علينا السعي في إهلاككم قسم وحق اليوم بالإبرار) انا مفهمتش اوى هو عايز ايه على اساس الترجمة منزلتش مع الكلام العميييق ده ..بس قلتله ( تعيش يابو سيف ..وتاخد غيرها :))) وسلامى للامور سيف ) هههههه والله هيموتوا !! الناس دى ف ليبيا ف مدينة اسمها درنة ..درنة دى بقى يا ولاد تبعد عن مطروح بتاع 65 كيلو كده ..يعنى تقريبا زى م التجمع الخامس لشبرا مثلا !! يعنى لولا رحمة ربنا بينا و يقظة قواتك المسلحة كان زمانهم بيصيفوا معاك ف الساحل الصيف الجاى !! يعنى اى حد يقولك كلمة وحشه ع الجيش قوله عهد علينا و قسم و حق اليوم بالابرار ( على رأى ابو سوسو ) لنوديكو تصيفوا ع الحدود يا تافه منك له ..ولو راجل قول لأ !!
• اعلامية بالتلفزيون المصري