شعر:التنومية
ماغير انا وانت..
وهالحظ الكذوب!!
قل بتوب!!
وأبشر بليل
مايسكنه برد وهبوب!!
أبشر بقلب
مايسكنه هم وذنوب!
قل بتوب!!…وأوعدك!
أرجع معك من (أولّك)!!
أتعلّمك حدّ الولع
وأسكنك حدّ الوجع
حدّ الخضوع…والدلع!!
أرجع معك….
أتعلّم حروف الهجاء
حرفين أنت وحرف أنا
واكتبك في دفتري..
كلام صدق ماينقري!!
أرجع معك.. مثل الطفل
يتعلم شلون المشي
وأمشي وراك…وانتشي!!
وأضحك الضحكة معك
وانفسك..واتحسسك!!
لين البكا يبكي معي!!
الله.. ياموت الكلام
اللي جرح لي مسمعي!!
الله.. ياصوت السلام
اللي.. يصافح مدمعي
الله…..ياأنت
ياللي (معي)!
ومو (معي)!.
